Pembicaraan:Matua Mudiak

Dalam alua persembahan adat sejarah ini diungkapkan:

Nan Tuah Kato Sapakat ,Nan Bana kato Baio, sapakat niniak dengan mamak , saiyo Alim jo Ulama ,saayun salangkah jo Nan Mudo, manyusun batu bakeh tagak, malukih janjang bakeh naiak, mambangun koto jo nagari, itulah Matua tigo jurai.

nagari tinggi karatan gunuang, sapihan singgalang jo marapi, lurah dalam timbunan aia,bukik guntung palutan kabuik,aia dareh ikan nyo jinak,pasia aluih udang nyo lia, sauang nyo jauah di nan dalam, usah di umpan dnan dangka, ambiaklah papeh rangsitingkai, banamo sisari bungkuak, mambao harato tumbangan nyao, dek lincah pantau mangulinding,umpan abih papung kok tanang,usahlah ragu manyalami.

Sifat tabiat rang dahulu, tingkah kurenah dinan tuo, di hilia tahan kan tangguak, di mudiak tahankan lukah, serakkan jalo dari hulu, pai samusim tak maragu, ilang bataun tak manyusah, lupo sabanta nan maragu, ragu di hati nan batanyo, ragu dimato nak maliek, di liek salinteh lalu, ditengok salayang pandang,

Matua Hilia :

Matua Hilia bamimba lamo, baukia alang babega,katik banamo indo rajo, pandai malafat jo maana,jarang basuo katandiang nyo.Taratak batu baselo,badusun ka laman gadang, bakoto kasurau lua, tapatan lareh sirah mato,nan bapegang arek baganggam taguah, kalau indak putuih mamancuang aka, basusun di katiak nyo, kalau putuih mamancuang aka layua sampai ka pucuak nyo.

Matua Mudiak :

Matua Mudiak baimam tungga, imam marajo bagindo ali,urang nan cadiak tangah koto, urang nan tuo di nagari pandai mangabek babuhuasentak jarang lah urang nan maungkai tibo nan punyo rarak sajo.

Tasabuik guguak nan tigo,di ilia guguak cumaniang,di ateh guguak malenggang,di bawah guguak pasibuah, bakoto kakoto barangai, mudiakan aia kahulunyo, Kayu pontong Banda Badarun, Bulakan batu Badaruik, Galanggang koto Badamping,Kabek Arek Karang Badagok , Tanek nan indak lalu aia, rapek nan indak lalu angin,jo mufakat malalukannyo

Parit Panjang :

Kabaruah ka Parit Panjang,balerong budi ganto suaro adaik jo limbago, bukan limbago maso kini tuangan dari Pagaruyung satitiak tak namuah hilang sabarih bapantang lupo, kampuang tangah jo Mudiak sawah, bukik Apik arang Hariamau indak kapai ka pulang disinggahinyo ,nan bapeggang arek babua mati Kabek Arek Karang Badagok bakato mangko baiyo, bajalan mangko bamulah , bana disabuik mangko ka dapek , takok diawai mangko jadi, sampai kini ba pakai juo .

           Katigo nagari tersebut dibuekan kapado satu ungkapan nan indak lakang dek paneh, nan indak lapuak dek hujan yaitu “ Bamimba kaMatua Hilia Baimam ka Matua Mudiak, baradat ka Parit Panjang,

Jorong di Nagari Matua Mudiak

1. Jorong Sidang Tangah 2. Jorong Padang Gelanggang 3. Jorong Kuok Tigo Koto Hayatullah Kumaini (bicara) 27 Desember 2019 18.20 (UTC)

Masjid Di Nagari Matua Mudiak

1. Masjid Nurul Yaqin Sidang Tangah 2. Masjid Taqwa Padang Gelanggang 3. Masjid Syuhada Embun Pagi 4. Masjid Bustanul Arifin Kuok Tigo Koto Hayatullah Kumaini (bicara) 27 Desember 2019 18.22 (UTC)